1952 മാർച്ച് 7-ന് അമേരിക്കയിലെ ഭാരതത്തിന്റെ സ്ഥാനപതിക്ക് നൽകിയ ഒരു വിരുന്നാണ് അദ്ദേഹം അവസാനമായി പങ്കെടുത്ത ചടങ്ങ്. അദ്ദേഹത്തിന്റെ അവസാനത്തെ പ്രസംഗത്തിന് ദൃക്സാക്ഷിയായിരുന്ന ദയാമാത, ആ സംഭവം ഇങ്ങനെ വിവരിക്കുന്നു: “പ്രസംഗം തീർന്നതോടെ ശ്രീ യോഗാനന്ദ തന്റെ സ്വന്തം കവിതയായ ‘എന്റെ ഭാരതം’ വായിച്ചു. അവസാനമായി ഉരുവിട്ട വാക്കുകൾ ഇവയായിരുന്നു. എവിടെയാണോ ഗംഗയും, ഹിമാലയ ഗുഹകളും മരങ്ങളും പിന്നെ മനുഷ്യനും ഈശ്വരനെക്കുറിച്ച് സ്വപ്നം കാണുന്നത്, അവിടെ ഞാൻ കളങ്കരഹിതനായി – എന്റെ ശരീരം ആ മണ്ണിനേയും ചുവപ്പിനേയും സ്പർശിക്കുന്നു. ഈ വാക്കുകളോടെ അദ്ദേഹം തന്റെ കണ്ണുകൾ ഉയർത്തി ആജ്ഞാചക്രത്തിൽ ശ്രദ്ധകേന്ദ്രീകരിച്ചു. പതുക്കെ ശരീരം കുഴഞ്ഞ് താഴെ വീണു”.