1894-ൽ കുംഭമേളയിൽ പങ്കെടുക്കുന്ന സമയത്ത് ശ്രീയുക്തേശ്വറിന് മഹാവതാർ ബാബാജിയുടെ ദർശനം ലഭിച്ചു. ശ്രീ യുക്തേശ്വർ തന്റെ വലിയ രണ്ടുനില കെട്ടിടം ആശ്രമമാക്കി മാറ്റിയെടുത്തു. അവിടെയാണ് അദ്ദേഹം തന്റെ ശിഷ്യരുമായി ഗുരുകുല സമ്പ്രദായപ്രകാരം ജീവിച്ചത്. 1903-ൽ പുരിയിൽ കടലിനടുത്തായി അദ്ദേഹം മറ്റൊരു ആശ്രമം കൂടെ സ്ഥാപിച്ചു അതാണ് കരാർ ആശ്രമം. ശിഷ്യന്മാർക്ക് ഈ രണ്ട് ആശ്രമങ്ങളിലുമായാണ് ശ്രീ യുക്തേശ്വർ പരിശീലനം നൽകിയത്. ഒപ്പം ‘സാധുസഭ’ എന്ന സംഘടനയും ആരംഭിച്ചു.